鬼唔知阿媽係女人

時下最興講下最新有咩食療好
咩汁物汁飲左有益
唔知咩維他命釋放d咩
越少人知好似越威
越common sense講出黎
越比人笑

所以讀中醫註定比人笑
因為好多道理都係鬼唔知阿媽係女人

打開黃帝內經
阿岐伯話比黃帝知
要盡終天年呢 就要食飲有節 起居有常 不妄作勞
我試下同人講 其實食得節制d啦 唔好咁夜訓啦 唔好捱壞身體啦 身體就會好架喇
你估我會比人點噓法？

係呀人人都知阿媽係女人呀
但係有幾多個知呀媽係女人之餘
真係當佢係一個女人咁對佢溫柔d丫？

面對呢堆阿媽係女人既道理好多人都只知之而不為之
藉口多多地當佢地無到
因為搵食而要捱
因為壓力大而要無節制地大吃大喝
因為忙而無時間運動... (下刪100字)


你唔愛自己  身體都會好沮喪

佢日日幫你吸氣呼氣消化排泄
你就咁唔錫佢
比著你日日拎個心黎幫人做野，
人地就當狗肺，
咁你會點？

無心裝載

每個人都懂得講健康有多重要

「健康是無價的」
「最重要係身體健康」

但係人總係講一套做一套
口講好緊張健康
買曬健康食品
買曬危疾保險
但係食野又唔節制
做運動又話無時間
怪唔知個世界既人健康質素有跌無升

健康係睇你有無心裝載
有錢唔係大曬
甚至害左你

醫學令我明白人體既奧妙
好多野現代人忘了感恩
其實可以呼吸其實係個好大既奇蹟
當中既機制超精密...

但好多人往往唔當係一回事之餘
仲要因為種種藉口勳到個肺黑曬
唉

比個咁好既肺你仲咁對人地都有。